MOLAETSA WA MAFELO A NGWAGA GO TSWA GO MOKAEDIKAKARETSO
Go thata go dumela gore re setse re le mo ngwageng o mongwe wa ditiragalo. Fa o leba kwa morago, setheo se ne se le mo metlotseding ya tlhaeletsano ka yona nako e ngogola. Mmogo le batsamaisi ba bangwe, ke tsere matsapa a go kopana Ie lona lotlhe mo diofising tsa lona. Ditlamorago tsa teng di ne di gakgamatsa. Dintlha tse di amanang le Mabaka a Badiri (HR) e ne e le tsona tse dintsi mo matshwenyegong a lona. Ke itse gore thulaganyo ya setheo e baakantswe, mme setheo se boetse se dira ka tshwanelo. Ke lo leboga lotlhe ka ditshwaelo le boineelo jwa lona. HR e kopilwe go konosetsa dintlha tse di saletseng kwa morago tsa yona mafelo a ngwaga o.
Go thapiwa ga batsamaisibagolo le go okediwa ga bokgoni jwa botsamaisi segolo kwa Dikantorong tsa Dikgaolo ke kimologo e e amogelesegang. Maiteko a tsweletse go maatlafatsa bokgoni jwa kabelo ya ditirelo kwa Dikgaolong tsa rona. Ditlamorago tsa ditlhophokakaretso tsa di 14 Moranang 2004 di lerile kgatelelo mo dikantorong tseo di thusang badirelwa ba Maemo. Go lebeletswe gore re tle ka boitlhamedi le go somarela fa re ntse re tlhokometse ditlhokego tsa Kabinete e e atolositsweng. Ke ikaegile ka maikatlapelo a lona go kgona tlamelo ya ditirelo tsotlhe tse di solofetsweng.
Fa ke bua ka katoloso, Lenane le Lešwa le le Atolositsweng la Ditiro tsa Setšhaba le tsile go ama batho le megopolo ya rona le go feta. Jaaka nngwe ya boitlhamedi jwa mmuso go lwantsha botlhoki, EPWP e na le seabe mo tlhabololong ya loago le ikonomi ka go tlhola ditiro, tlhabololo ya bokgoni le tokafatso ya setšhaba. Thibololo ya bosetšhaba le ya diporofense e dirilwe ka Motsheganong le Phatwe/Lwetse ka tatelano. Re motlotlo ka gonne re kgonne tsamaisa dithibololo tseo ka katlego, botsi jwa tsona kwa maemong a bo-Poresidente.
Tsamaiso ya kamano ya rona le badirelwa ba rona ga e itumedise. Le fa go na le ditogamaano tse di dirilweng go tokafatsa ditirelo tsa rona, bangwe ba badirelwa ba rona ga ba ise ba bone mosola wa tsona. Ke ntse e amogela dingongorego le le ditshwaelo tse dingwe tsa go sa itumeleng go tswa kwa badirelweng. Se ga se amogelesege. Lebaka la go nna teng ga rona ke go tlamela badirelwa ba rona go akaretsa le mmuso ka ditirelo tsa porofešenale le tse di amogelesegang. Go retelelwa ga rona ga dira seo go phimola taolelo ya rona, mme go nyenyefatsa ditiro tsa rona. Boineelo jo bo tletseng jwa mongwe le mongwe wa rona, go tla thusa go boloka Lefapha. Ke sa ntse ke dira boikuelo go lona lotlhe go dira pharologano kwa lo leng teng. Re ka kgona.
Pegelo e e runnweng ya ditšhelete ya monongwaga e ne e le gaufi, mme gape e le kgakala. Re batlile re nna le thutno e e phepa, e e ka bong e dirile histori. Ka bomadimabe re latlhegetswe. Bokgoni bo teng go tokafatsa taolokgolo le tlhokomelo ya ditšhelete tsa rona. Ke gwetlha Lefapha go dira ka natla go fitlhelela pegelo ya boruni e e kgatlhisang monongwaga. Maitsholo mangwe le mangwe a a duleng mo tseleng a tla bona kotlhao e e gagametseng.
Ngwaga o e nnile o o bokete tota. Fela dipaka tse di thata le go feta di sa le kwa pele. Fa lotlhe lo tsaya malatsi a boikhutso a a lo tshwanetseng mo setlheng se sa boitumelo, ke batla gore lo ipaakanyetse tiro e e thata ngwaga o o tlang. DPW e tshwanetse go tshwana le Batho ba ba Keletlhoko mo Tirong (Diligent People at Work). Se ke boikuelo jwa rona jo bo utlwalang.
Re solofela gore bakaulengwe ba rona ba ma-Muslim le ma-Hindu (le ba malapa a bone) ba itumeletse Ramaadan le Depavali ka tatelano. Go bakaulengwe ba rona ba Ba-Keresete (le ba malapa a bone) re ba eleletsa Keresemose e e monate. Mowa wa kagiso, poelano le masego a di rene mo pakeng e, le go ya kwa pele.
Jaaka re tsaya maeto go jela nala kwa mafelong a a farologanen, a re obameleng melawana yotlhe ya tsela gore re Goroge ka Pabalasego mme re Tshela. Gakologelwa gore ke bosenyi go tlola melawana ya pharakano.
Ke solofela go le bona lotlhe lo bolokesegile, e bile lo itekanetse ka 2005. A re direng pharologano, go tswa fa re le teng.
